TAONA MARO
Taona maro nifandimby
Nandalovako hatrizao
Na ny mamy na ny mangidy
Dia isaorako Anao
Fihobiana, Fiderana,
No asandratro izao
Aleloia, Saotra sy Dera,
No atolotro ho anao
‘Zay rehetra ato am-poko
Mankalaza Anao
Ny Fitiavanao ry Tompo
Tsapako tokoa izao
Mitamberina ato an-tsaiko
Ireo soa narotsakao
Tompo ô izay tena lalaiko
Iza moa no toa Anao?
Fihobiana, Fiderana,
No asandratro izao
Aleloia, Saotra sy Dera,
No atolotro ho anao
Tomp ô tsinjovy hatrany
Ny androko izao
Na ho tsiky na tomany
Aoka tsy ilaozanao
Raha ho tapitra ny diako
Ka handao ny aty
Ny eo anilanao no tiako
Mandrakizay doria.
